အပြင်လဲသိပ်မထွက်ဖြစ်တော့ ဒီခန္ဒာကိုယ်နဲ့ ဆိုင်သွားပြီ အ၀တ်အစားတွေ ရွေးပြီး မ၀ယ်ချင်တာက တကြောင်း ကိုယ့်ကိုကိုယ်မှန်တောင်မကြည့်ချင်လောက်အောင်ဖြစ်ရပါတယ်။ သမီးလေးနို့ပျက်မှပဲ weight ချပြီး အ၀တ်အစားတွေ ၀ယ်မယ်လို့ အားတင်းထားခဲ့ရပါတယ်။ သို့သော်လဲ sales ရဲ့ ဆွဲအားက ပြင်းပါတယ်။
ယူအေအီးမှာ အ၀တ်အစားပဲဝယ်ဝယ် အလှပြင်ပစ္စည်းပဲဝယ်ဝယ် ဈေးဝယ်ရတာ စလုံးထက် သာပါတယ်။ ကုန်ပစ္စည်းပေါ်ကျသင့်တဲ့ အခွန်မရှိပါ ကြိုက်သလောက်ဝယ် ကျသလောက်ရှင်းပါပဲ။ GST ဆိုတဲ့ ဟာကြီးမရှိပါ။ ဈေးလဲ တော်တော်ချိုပါတယ်။ ဒီကြားထဲ New Year လိုအချိန်မျိုး Sales ချပြီးဆိုရင် တော်တော့်ကို တန်လို့ လူတိုင်း နီးပါး ၁ နှစ်စာဝယ်ကြပါလေရဲ့။ ကျမလဲ မိန်းမထဲက မိန်းမဆိုတော့ Shopping ဆိုတာကြီးကို ဘယ်လို ဒုက္ခမျိုးပဲ တွေ့တွေ့ ရှောင်လွဲဖို့ အားမသာခဲ့ပါ။
တနေ့ Marina Mall (Abu Dhabi) ကိုသွားဖြစ်ခဲ့ပါတယ်။ အဲဒီ့မှာ Promod ဆိုတဲ့ ပြင်သစ် brand ဆိုင်မှာ sales ချနေတာ တွေ့တာနဲ့ ၀င်ကြည့် ဖြစ်ခဲ့ပါတယ်။ ထုံးစံအတိုင်း ကျမလို အမျိုးသမီးတွေနဲ့ ကြိတ်ကြိတ်တိုးနေပါတယ်။ စိတ်လွတ်ပြီး ၀ယ်မိတယ်။ များသွားတယ်လို့ ထင်ပေမဲ့ မများပါဘူး လို့ အမျိုးသားက ပြောပါတယ်။ သူ့စိတ်ထဲပါမပါတော့မသိဘူး။ :) ဒါနဲ့ အပိုဆုအနေနဲ့ Esprit မှာပါ 50% ဆိုလို့ ဂျင်းဘောင်ဘီးတထည်ပါ ၀ယ်ပေးလိုက်တယ်။
ရှိသမျှဘောင်းဘီတွေလဲ ၀လို့ မတော်တာကများပါတယ်။ ဒီထက်တောင် ၀ယ်ရဦးမည် မဟုတ်ပါလား။ တော်ပြီ တနှစ်စာ ဒါပဲဝတ်တော့မယ်လို့ ဆုံးဖြတ်ပြီး အိပ်လိုက်ပါတော့တယ်။ သို့သော်လဲ နောက်နေ့များ Mall ရောက်တဲ့အခါ SALES ဆိုတဲ့ အဖြူစာသားကို အောက်ခံ အနီနဲ့ရေးထားတဲ့ အဆိုင်ရှေ့ က ဖြတ်လျှောက်ရုံပဲ လျှောက်မိမယ်မထင်ပါ...
အများသွားရည်ကျအောင် Promod က Fashion လေးတွေ တင်ပေးထားလိုက်တယ်။
Source: http://www.promod.eu
No comments:
Post a Comment