Tuesday, April 17, 2012

နှစ်သစ်မှာ.......

ဒီနေ့ မြန်မာနှစ်ဆန်းတရက်နေ့မှာ ကျွန်မတို့ မိသားစု မြန်မာပြည်ကို ပြန်ကြပါမည်။ ယူအေအီးမှ မိတ်ဆွေများကို နှုတ်ဆက်ခဲ့ပါတယ်နော်။ ဒီနိုင်ငံမှာ နေခဲ့တဲ့ ၃နှစ်အတွင်း မိတ်ဆွေကောင်းတွေ အများကြီးရခဲ့ပါတယ်။ အားလုံးကို ကျေးဇူးတင်ပါတယ်နော်။ ကိုယ့်နိုင်ငံ ကိုယ်ပြန်ရတာ ၀မ်းသာပေမယ့် မိသားစု ခွဲနေရမှာကိုတော့ တကယ်စိတ်မကောင်းဘူး။ ကျမတို့သားအမိတွေက မြန်မာပြည်မှာ.. သမီးတို့အဖေက စလုံးမှာ... မနက်ဖြန်ဆို ရန်ကုန်ရောက်ပါပြီ..

အားလုံးပဲ နှစ်သစ်မှာ ပျော်ရွှင်ပါစေရှင်.....

bye bye... UAE.

Thursday, March 29, 2012

သွန်းဆင့်မိုးရည် ၉လပြည့်မွေးနေ့ အမှတ်တရ

၂၇.၀၃.၂၀၁၂ နေ့က သမီးလေး သွန်းဆင့် ၉လပြည့်ပါတယ်။ ၉လပြည့်ချိန်မှာ သူ့ဘာသာသူ ထိုင်တတ်ပြီ။ 05.03.2012 မှာ ပထမဆုံးအကြိမ် ထထိုင်တယ်။ အပေါ်သွားလေးတချောင်းလဲ ထပ်ထွက်လာတော့ သွားလေး၃ချောင်းရှိပါပြီ။ ၀မ်းလျားထိုးပြီး တအိမ်လုံးသွားနေတော့တာပဲ။ ခပ်မြူးမြူး သီချင်းသံလေးတွေ ကြားရင် ကိုယ်လေးလှုပ်ပြီး ကတယ်။ သူ့အဖေရုံးက ပြန်လာရင်လဲ သူ့အဖေဆီသွားမယ် တကဲကဲ အဲ့ဒီအချိန် သူ့အဖေမချီလို့ကတော့ ငိုပြီပဲ။ ရုံးသွားရင်လဲ လိုက်ချင်တယ် သူ့အဖေရုံးသွားလို့ တံခါးပိတ်လိုက်တာနဲ့ကို ငိုတော့တာပဲ။ သူ့အမနဲ့လဲ ကစားစရာတွေ လုနေပြီ။ အမသောက်တာ သောက်ချင်တယ် အမစားတာ စားချင်တယ်။ ခုလဲ သူ့အမနောက်ပဲ တကောက်ကောက်လိုက်နေတယ်။ ရင်ဘတ်တွေတော့ နာနေတော့မယ်။

ဒီလဆန်းက သူ့အဘွားပြန်သွားတော့ ညီအမ၂ယောက်လုံး အမေနဲ့ပဲဆိုတော့ ပျင်းနေကြတယ်။ အချိန်သိပ်မကျန်တော့ပါဘူး သမီးတို့ရယ် နောက်၃ပတ်ဆို မေကြီးတို့လဲ ရန်ကုန်ရောက်နေပါပြီ။ သမီးလေး ၉လပြည့် မွေးနေ့မှာ အန်တီငယ်က မွေးနေ့ကိတ်နဲ့ KFC က ကြက်ကြော်ဝယ်လာပြီး အိမ်မှာ Happy Birthday လုပ်ကြတယ်။ Happy Birthday လုပ်တဲ့အချိန်မှာ မွေးနေ့ရှင်က အိပ်ပျော်နေပြီ။ သမီးတို့အဖေ ရုံးက ပြန်လာမှလုပ်မယ်ဆိုပြီး စောင့်နေကြတာ သမီးက အိပ်ပျော်သွားတယ်။

အမှတ်တရပုံလေးတွေပါ။
မွေးနေ့ကိတ်

အိပ်ပျော်နေတဲ့ မွေးနေ့ရှင်


Happy Birthday လုပ်ရတာပျော်တဲ့ မမရှင်

အန်တီငယ်နဲ့ မမရှင်

အထဲမှာ ဘာမှမကျန်တော့ဘူး





 

Tuesday, March 20, 2012

Al Ain သို့ နောက်တခေါက်

ပြီးခဲ့တဲ့ အပတ်သောကြာက Al Ain သွားဖြစ်တယ်။ အမတယောက်က သွားချင်တာနဲ့ ပထမအခေါက်က Al Ain Paradiseကလဲ မဖွင့်သေးလို့ မ၀င်ခဲ့ရတာနဲ့ သွားဖြစ်ကြတာ။ Al Ain Paradise နဲ့ ရေပူစမ်းကို ရောက်ခဲ့တယ်။ သွားတဲ့နေ့က ရာသီဥတုက ပူနေတော့ တော်တော်ပင်ပန်းသွားတယ်။ လည်လည်သွားတဲ့ပုံလေးပါ။

ကျွန်မတို့ မိသားစု